Depués de disfrutar del so periodu vacacional, el primer equipu del Real Uviéu va empezar esti llunes, 9 de xunetu, la pretemporada nes instalaciones deportives d'El Requexón, onde la primer plantiya va ponese a les órdenes de Juan Antonio Anquela pa empezar el trabayu preparatoriu de cara a la temporada 18-19.
Amás de Sergio Tejera y Richard Boateng, incorporaciones realizaes nesti mercáu braniegu, Juan Antonio Anquela va cuntar con un total de 7 xugadores del Real Uviéu Vetusta pa esti empiezu de la pretemporada. D'esta forma, los futbolistes Viti, Gorka, Edu Cortina, Steven, Prendes, Asier y Jimmy van empezar esti llunes que vien el trabayu n'El Requexón.
Asina mesmo, la llista de xugadores del filial que van facer la pretemporada col primer equipu podría aumentar nos díes vinientes cola incorporación de dalgún futbolista del Real Uviéu Vetusta más.
