Tres más de trenta años ensin visitar al Sabadell, la Nova Creu Alta acoyó'l choque ente'l Real Oviedo y el Sabadell, na xornada 17 de la Lliga Smartbank. L'alcuentru nel estadiu catalán acabó cola resultancia de 0-1 pa los intereses oviedistas.
Con cinco cambeos nel once, respectu al postreru partíu énte'l Alcorcón, saltaron los de Ziganda al feudu arlequinado, con un Real Oviedo que mientres tol partíu foi protagonista, aportunando y xenerando peligru sobro la meta defendida por Mackay. Na primera parte los azules llevaron el pesu del alcuentru, cola posesión y el control del balón, pero ensin tar atinaos de cara a puerta. Javi Mier y un acercamientu nos minutos finales fueron les ocasiones clares de los de Ziganda nel primer actu. Tres el pasu por vestuarios, el Real Oviedo nun dexó d'intentalo, teniendo nos sos homes d'ataque les opciones más clares p'abrir el marcador. Nun sería hasta'l minutu 65 cuando los de la capital del Principáu adelantráronse nel marcador. Sangalli aprovechó una bona asistencia de Mossa pa poner el gol nel lluminosu. Tres ello, dambos equipos partieron el balón, con un Real Oviedo qu'introdució a Rodri Ríos, Borja Sanchez y Simone Grippo sobro'l terrén de xuegu. Nel agregu, l'árbitru señaló penalti na área del conxuntu uvieín, pero tres revisión nel VAR anuló l'acción del Sabadell.
Trés importantes puntos nel casillero carbayón, que'l próximu vienres van recibir al Tenerife nel NMR Carlos Tartiere.
