El Real Uviéu llegó a un alcuerdu pa facese colos servicios del defensa Oswaldo Alanís pa dos temporaes.
El xugador, de 29 años d'edá, nació'l 18 de marzu de 1989 en Morelia, México. Debutó con 20 años en Tecos, depués de formase nes categoríes inferiores d'Estudiantes. Posteriormente, el defensa diba defender la camiseta de Santos Laguna y Club Deportivo Guadalajara, axuntando una gran esperiencia nel fútbol mexicanu con 212 partíos y 17.365 minutos al llombu. Tien dos títulos de la Liga MX y trés Copes MX.
Amás, Alanís defendió la camiseta de la Selección Mexicana en 22 ocasiones, llegando a disputar les fases de clasificación pa la Copa Confederaciones y el Mundial. Asina mesmo, el central destaca nos sos rexistros como goliador, porque anotó un total de 17 goles na so carrera.
Oswaldo Alanís va incorpose al Real Uviéu pa militar pela primer vez na Segunda División Española, depués de trabayar les últimes selmanes na disciplina del Getafe, en LaLiga Santander. El central destaca pola so bona salida de balón, calidá nel golpéu y anotador n'ataque.
El futbolista va incorporase a los entrenamientos, desque se someta a reconocimientu médicu na Clínica Asturias, y va trabayar baxo les órdenes de Juan Antonio Anquela a partir d'esti miércoles.
Trayectoria:
(2009/12) Tecos FC
(2012/15) Santos Laguna
(2015/18) Club Deportivo Guadalajara
(2018) Getafe CF
La presentación oficial d'Alanís como xugador nuevu del Real Uviéu va facese mañana, miércoles, dende les 13:00 hores na sala de prensa del Carlos Tartiere.
AST
